වැල්ලබඩ පත්තුවේ දික්වැල්ල , කෝන්දෙණිය අශෝකාරාම විහාරස්ථානයේ කඨින පින්කමේ සුවිශේෂි අවස්ථා
2022 ඇසළ මස 13 වන දින එනම් පසළොස්වක පොහොයට පසු දින ඇසළ අව පෑළවිය දිනයෙහි පෙර වස් සමාදන් වීම. වැල්ලබඩ පත්තුවේ දික්වැල්ල , කෝන්දෙණිය අශෝකාරාම විහාරස්ථානයේ පෙරවස් සමාදන් වීම සිදුවිය. මෙහිදී සතර පේරුවේ දායකයන් එක්ව සතර පේරුවම නියෝජනය වන පරිදි වස් ආරාධනාව සිදු කරන ලදී. ත්‍රිවිධ රත්නය උදෙසා පූජා පිළිවෙත් සිදු කිරීමෙන් අනතුරුව වැහි සළු , දැහැත් ගොටු හා චතුමධුර පූජා කරමින් නානායක්කාර නිවසේ දායකයින් විසින් මෙසේ වස් ආරාධනා ලදී.
වස් තුන් මස අවසන චාරිත්‍රානුකූල ව කඨින චීවරය වස් ආරාධිත නිවසේ තැන්පත් කොට ගිලන්පස පස, චතුමදුර , මල් පහන් සුවද දුම් ආදී පූජා පිළිවෙත් පවත්වා , වීදී සංචාරය කොට 2022-ඔක් මස 23 වන දා හිමිදිරි උදෑසන හේවිසි සක් නද හා වෙස් නැටුම් සහිතව අලංකාර පෙරහැරකින් ගම්වාසීන්ගේ සහභාගීත්වයෙන් විහාරස්ථානය වෙත වැඩම කරවීම. මෙය කොස්ගසේ කොස් කොලයේ නටුව පෙනෙන සේ සූර්‍යා උදාවීමට පෙර කඨින චීවරය පූජා කිරීම චාරිත්‍රයයි.
